أسئلة واجابات طبية أمراض المسالك البولية والتناسلية

هلق نحن إذا كان بهالعمر إذا كان الإنتفاخ سببه سائل متجمع حول الخصية نسميه هيدروسيل ما بده شي هذا بعمر السنة خمسة وتسعين بالمية من الحالات بتزول بشكل تلقائي وعفوي ودون أي تدخل لا من طبيب ولا من غيره إتنين بدنا نتطمن إنه ما يكون عنده فتق إربي هالإنتفاخ اللي عب بتشوفيه * بروح لما بيتسطح لما بكون نايم لما بكون مافي بكاء مافي إنزعاج إذا ما فيكي تقدري هالشي هذا أنا بفضل يشوفه طبيب جراح أطفال لأنه إذا في فتق لازم عمل جراحي 

نحن بشكل طبيعي هلقين كويس أوكي مافي داء بيروني هذا شيء ممتاز ما في تليف بالقضيب هذا شي كتير ممتاز في إنحناءات خلقية متل ما قلك الطبيب أي إنحناء ما في ألم ما بأثر على الإيلاج يعني يدخل على المهبل وهو مرتاح فهذا ما بده أي تدخل جراحي ما بده أي شي لأ صار زاوية قائمة صار في عندك ألم صار عندك أيا مشكلة وقتها لازم التداخل والإصلاح

هل هناك حرقة أثناء التبول هل هناك حرقة أثناء قذف المادة المنوية إذا عندك ضعف إنتصاب لازم تعمل دراسة هرمونية نتطمن إنه التوستوستيرون عندك بخير ولازم تعمل تحليل بول ولحتى نتطمن إنه ما في عندك التهابات وأرسلها لنا

من باب الإطمئنان قبل كل شيء لازم تعمل سونار مع دوبلر للخصيتين لنتطمن إنه في عنا دوالي أو ما عنا دوالي بالعادة الدوالي باليسار بتكون أشد من اليمين وآلام بتكون باليسار إنت منك حاكي عن اليسار أبداً الآلام المعزولة بالخصية اليمنى هي آلام تأتي على إحتقان البروستات على إحتقان السائل المنوي * أكتر منه على الدوالي