أسئلة واجابات طبية أمراض المسالك البولية والتناسلية

صباح الخير طالما ليس هناك إحمرار ولا ألم ولا حكة فهي نوع من الرض البسيط هذا الجلد حساس لا تقلق طالما مافي ألم مافي شي لا تقلق لحاله بروح ولا يهمك

لازم تراجع طبيبك إنت عامل جراحة أحياناً اللي عم تحكيه ممكن هو فتق يعني ماني عرفان إشو قصدك بإنه والله عندي فتق إنتفاخ بالحالب مافي شي الحالب وين بعيد لأنه المنطقة هي بس بقى أحياناً في كلمات عامية انتفاخ في الحالب قد يكون هو فتق راجع الطبيب اللي عملك الزايدة

صباح الخير الحمد لله عسلامتك والله يعينك تشكيل الحصيات شغلة كتير شائعة وسيئة يعني مزعجة كل فترة بدك تنزل حصاة وتترافق معا آلام متل آلام الولادة هي شغلة كتير صعبة تكوين الحصيات من اليوريا والفوسفات الا من اليوريك أسيد والفوسفات * بكل الأحوال نحنا أهم علاج أهم علاج انه ما وقاية ما يصير عنا تشكل حصيات مرة تانية هو انك كونك عم تشرب سوائل كتير سوائل كتير مي عصير خضار فواكه تاكل أكل مسلوق وقت ما لازم تعطش أبداً 

تجنب الأكل اللي فيه ورق أخضر كتير * خفف الشوكالاطه خفف القهوة مانك ممنوع من شكل آآه بشكل قسري عن أي شي لكن دائماً خفف من هالمواضيع هي وكتر سوائل 

تجنب يصير عندك إلتهابات إزا صار عندك إلتهابات كمان بتأدي لا آآآه زيادة في تشكيل الحصيات إمشي مارس رياضة بحيس هي كمان ممممم بتخلي آآآه اللل يعني أول ما تتشكل الحصاة بتساعد على طرحا

كله خير

تحليلك أكتر من ممتاز تحليلك كتير كويس لكن إنت هون كشب لا تمارس العادة السرية كتير وتعملها شغتلك بس اعملها للتفريغ مرة بالأسبوع كل ما تهيجت بس بقى مو تعملها مرة مرتين باليوم ولا تأجل تبويلك كتر سوائل وخود دوا إسمه ليفوفلوكساسين عيار خمسمية * بيجي هذا في منه إسم عالمي تافانيك هذا بدك تاخده حبة يومياً المسا لمدة ثلاث الى أربع أسابيع اشغل حالك بالرياضة اشغل حالك بنشاطات أخرى

أنت مشان إيش تعمل تمارين إيجل بكير عليك مافي داعي لهالتمارين هي أحياناً تنفيذها بشكل خاطئ بأدي إلى مشاكل مارس رياضة المشي ما يصير عندك إمساك لا تأجل تبويلك من بتنحصر في البول فوراً روح بول ما تمارس عادة سرية بكسرة يعني تعملا شغلتك التهي به بهوايات تانية وكتر سوائل وبول وانت واقف * بالبداية بعدين عالجلوس إذا كنت قاعد على تواليت إفرنجي حط شغلة ارتفاعا عشرة سنتيمتر تحت رجليك خليها مرفوعة شوي عليك العافية

صباح الخير الحمد لله عسلامتك قبل كل شيء أنا ما بحب الدوالي الميكروسكوب بالميكروسكوب هيك متعود اشتغلا بالطريقة العادي نكسة عادي جداً أنه يصير في عنا نكس للدوالي نفس السبب الأساسي اللي عمل دوالي بالأساس ممكن يعمل مرة تانية فلا تقلق لا تقلق بالنسبة إذا تحسن العدد مافي داعي لإعادة العملية * سبب ضعف الحركة هو زيادة اللزوجة معناتها عنا مشكلة في البروستات نحنا لازم نعالج إلتهاب البروستات لأن اللزوجة العالية بتعمل ضعف حركة يعني أنا وإنت بنسبح بالمي لكن فينا نسبح بالزيت فينا نسبح بشيء عالي اللزوجة مستحيل فهادا بيأدي إلى ضعف حركة فعالج إلتهاب البروستات دوا إسمه ليفوفلوكساسين * عالمياً في منه تافانيك هذا عيار خمسماية ملغرام حبة يومياً لمدة شهر بإمكانك تاخد كمان أيبوبروفن بروفين عالمياً عيار ستماية حبة ثلاث مرات هذا نحنا مناخده كمسكن ألم بس إنت هون مانك عم تاخده مسكن ألم انت عم تاخده أنتي إنفلاماتوري بخففلك الإحتقان في البروستات لا تتهيج بدون ما تفضي * لا تأجل تبويلك تجنب بأكلك كل شي حد وبهار ومالح ومخلل وحوامض إذا عندك إمساك كافحه مارس رياضة خاصةً المشي

صباح الخير هلقين هذا هو إلتهاب في البروستات من مشاكله أنه ممكن يصير إلتهاب بالخصية العلاج بده يكون أربع إلى ست أسابيع بالمضاد الحيوي نعم المضاد فادك لكن لا تخلي العلاج ناقص ونندم عليه حتى ما يصير مشاكل استمر عندك دوا الليفوفلوكساسين * هذا كتير كويس لإلك وميزته بيتاخد حبة في اليوم فخود ليفوفلوكساسين تافانيك هذا اسمه التجاري أو حسب المنطقة اللي إنت عايش فيها ليفوفلوكساسين هذا إسم علمي خود خمسماية مليغرام حبة يومياً لمدة شهر