أسئلة واجابات طبية أمراض المسالك البولية والتناسلية

لازم تعرض حالك على إختصاصي حتى يقيم الوضع إذا في قيلة مائية إذا في فتق إذا في دوالي إذا في أيا شي هي واحد تنين حتى يقرر إنه إذا بدك تصغير لكيس الصفن أو لأ وغالباً ما رح تحتاج شي ما بعرف إنت الوضع بالشتي متل بالصيف إلا بس هلق على الحرارة وإش نوع اللبس اللي إنت بتلبسه هل بتلبس لبس جلابية عربي إلا بتلبس بنطلون

سلام عليكم هلق التقرير مكتوب بالفرنسي أنا ما بعرف لغتي إنجليزي بس اللي فهمت منن إنه في عندك كيسر بربخية إنه حجم الخصى طبيعي ما بعرف بقى شو مشان الدوالي شو مدى في دوالي بس ما بعرف يعني ما بعرف الترجمة إذا بتترجم للعربي أو للإنجليزي وبتبعتلي ياها

ما بعرف إشو قصدك بالإنكماش إشو قصدك يعني لكن إنت بدي اسألك يعني إنت بدين إنت سمين عندك وزن زائد

أصلاً إنت عملية حبس البول لفترة طويلة هي شغلة غلط شغلتين ما لازم تعملن تهيج جنسي بدون تفريغ و إنك تأجل تبويلك ما بصير هذا الشي غلط وهذا اللي هو عم بعملك هالقصة هي هي مي مرضية وإنما هي سوء إدارة لجسمك لا تعيدها

يا ريت لو تعملي فحص بول وراسب صباحي للبول انتي زمرة دمك أو بوزيتيف أحياناً جماعة ال أو بوزيتيف بكون عندن خلل بتركيب المخاط في المعدة وفي المثانة فبتتكرر عندن إلتهابات فنحنا هي غالباً هي إلتهابات مثانة قديمة عم بتشكل مخاط * فمافي شي يدعي للقلق أكثري من السوائل اشربي عصير ليمون اشربي مغلي ليمون بعد ما تنقعي قطع الليمون مع القشر سبع ثمان ساعات إغليها واشربيها إذا طالما في حرقة لأ لازم تاخدي مضاد جرثومي أنا بفضل إلك الباكتريم فورت باركتريم فورت حبة الصبح حبة المسا * مغاطس المي السخنة كتير بتعطيكي راحة فكمان استخدميها تجنبي بأكلك كل شي حد بهار مالح مخلل حوامض هيك شغلات أي شيء حريف بلا الفيلفلة الحدة بلا البهارات عليكي العافية

هلق التحليل العدد بتذكر الأرقام هي اي طبعاً في نقص بالعدد بالنسبة لعمرك يعني بس بقى هون بده يكونك تلاتة إلى خمس أيام ممتنع عن القذف وحاول تعيد التحليل أكتر من مرة وبأكتر من ظرف لأنه من تحليل واحد ما فينا نحط تشخيصها دا بيعطي حالة إنه إنت بهالوضع كان عندك التحليل هيك قد يكون أفضل من هيك فرأيي عيد التحليل مرة تانية بظرف تكون مرتاح وأرسل إلنا النتيجة