أسئلة واجابات طبية أمراض المسالك البولية والتناسلية

السلام عليكم على الأغلب هذا السائل عم ينزل بآخر البول هذا سائل بينزل من غدة البروستات أو من الغدد ما حول الإحليل هلأ هذا ما مافي داعي للقلق من ناحيته هذا يعتبر شيء طبيعي لشب صرله فترة شوي من الزمن ما مارس أو ما أجرى تصريف للسائل المنوي وبالتوفيق انشاء الله مافي مشكلة 

السلام عليكم هلأ شكل الخصية عندك أفقي متل ما إنت عم تذكر وهيدي إجت متل ما عم تقول بتذكر إنه حدث ضربة عليها هلأ ممكن نتيجة الرض تورمت الخصية وأخدت الشكل التبعه لنتيجة يمكن صار في شي إلتهاب إلتصاقات غيرت بشكلها وبوضعيتها ولكن * للإرتياح وللإطمئنان بتمنى إجراء صورة سونار دوبلر للخصيتين هيكي بتريح راسك هيدي بس نحنا عم نعملا حتالي ننفي إذا في شي أمراض ثانية أو أي تشوهات خلقية موجودة بالخصية مش أكتر من هيك وبرجع بأكدلك إنه حب شوية حبوب مسكنة بيمشي الحال انشاء الله يلا بالتوفيق

هيدا ما يسمى بتصلب بالشرايين الموجودة على ضهر القضيب وهيدا بعود على الأغلب كمان إلى يعني متل ما بقولوا كترة الممارسة هلأ على الأغلب أكتر من خمسين لستين بالمية بزولوا تلقائياً عند التوقف عن الممارسة لفترة إسبوعين أو ثلاث أسابيع مع دهن مثل * فازلين أو شي على جلد القضيب أكتر من هيك مافي هلأ في حال استمرت فترة طويلة وبلشت تعمل ألم ومشاكل هون ساعتها يفضل بإجراء عملية بسيطة واستئصال هيدي الأوعية المتكلسة بالتوفيق انشاء الله