أسئلة واجابات طبية أمراض المسالك البولية والتناسلية

أخي الكريم هلأ هيدي الكدمة الحمرا اللي انت عم تذكرا بكيس الصفن هيدي قد يكون هناك تسريب دموي أو نزف خفيف بطيء بعد عملية الختان تسبب لمنطقة الصفن وتجمع فيها هيدي سائل الدم ولاحظت انت وجود هيدي الكدمة الحمراء هلأ مافي خطورة بعتقد انه مع الوقت * بتبلش تختفي تدريجياً بتتحول لا إصفرار ولهذا وبتختفي انشاء الله ولكن إذا كان هناك شك على إنه هيدي الكتلة عم بتزيد أو عم بتسبب أي مشاكل يفضل مراجعة الأخصائي اللي أجراله ختان حتى يعود ويكشف عليا من جديد بالتوفيق انشاء الله

أهلاً أختي الكريمة هلأ الطبيب حاول يعالجك بالبداية بالإمكان يعني هذا الدوا فعال بالنسبة لحالتك المرضية يمكن بده يكون إنه فترة العلاج كانت قصيرة يعني خمسة أيام تعتبر غير كافية يعني يمكن لو ماخدة الإبر لمدة عشر ايام بتوقع إنه كنت أخدتي نتيجة وو ومشي الحال * هلأ كونه رجعت الحالة وتأزمت لأنه الدوا الثاني اللي معطيكي ياه تأثيراته متوسطة على البكتيريا عالجرثومة اللي عندك فأنا بنصحك إنه في دوا ممكن ترجعي تاخديه مكتوب ضمن الزرع اللي هو سيترياكسون اللي هو المتعارف عليه إسمه ترياكسون واحد جرام ممكن تاخديه إبرة صبح ومسا بس يفضل إنه يتاخد فترة العلاج عشر ايام بس تاخديه إبر بالعضل * وممكن تاخديه بالمصل ولكن في حال ما عم ترتاحي بالعلاج لا عن طريق الإبر أو الحبوب ساعتها يفضل إنه أخذها عن طريك الوريد هيدا هو  الحل الوحيد وأكيد بدك تغيري قصة استخدام المياه الخدمة يعني بده يكون الغسول اللي عم تقومي فيها يعني التشطيف وغيره بده يكون * بمياه شرب مياه نضيفة مش مياه القادمة من الدولة بالتوفيق انشاء الله

أخي الكريم هلأ صورة الطبقي المحوري من ناحية الجهاز البولي نظيفة تماماً لا يوجد أي إشكالية كل شي ممتاز الكليتين والحالب والمثانة ولكن هناك تسمك في الغشاء المخاطي للقولون من ناحية الجهة اليسرى لذلك يفضل مراجعة أخصائي جهاز هضمي قد يكون سبب الوجع والعلة الموجودة عندك * من الجهاز الهضمي ومن القولون الأيسر بالتحديد بالتوفيق انشاء الله

هلأ من المفترض بما إنه في عندك خصية متضخمة على الجهة اليمنى وشك بوجود عروق على الخصية اليسرى هون صار واجب إجراء سونار دوبلر للخصيتين قد يكون لديك قيلة مائية على الخصية اليمنى او قد يكون لديك شي تاني هذا ببين بالصورة وقد يكون لديك على الجهة اليسرى دوالي حبل منوي ولكن بالنهاية التشخيص * بعود للفحص السريري ولإجراء الصورة اللي ذكرتها مسبقاً عن طريقها بتم التشخيص ووضع العلاج بالتوفيق انشاء الله