أسئلة واجابات طبية أمراض المسالك البولية والتناسلية

مرحبا هلا ما بعرف انه ليش انت عملت العملية هلا كان انت متزوج وما في أولاد أو كان هناك ألم متواصل بالخصيتين لأنه درجة ثانية عالجهة اليسرى ودرجة أولى عالجهة اليمين بصير موضع الشك يعني إنو في حال كان تحليل السائل المنوي ممتاز وجيد فما في داعي لإجراء عمل جراحي على كل حال بما إنه صار في عملية * جراحية وصار في عندك نوع من الضعف ضعف الانتصاب وكمان عم تقول إنه صغر بحجم العضو بقى صحي البرولاكتين عندك عالي وعم تاخد له علاج بقى يفضل بهيك حالة يعني بدها دراسة أعمق للموضوع يعني انت الخصيتين صغار والطبيب بقلك الخصيتين ضمن حجم الطبيعي * بقى يفضل بهيك حالة إعادة سونار دوبلر للخصيتين حتالي نقيم الوضع ونشوف الحالة شو هي مع إجراء أكيد تحليل سائل منوي اللي هوي كان يفضل إنه كان ينعمل قبل الجراحة إذا ما كان معمول فهيدي تعتبر معضلة كبيرة بالنسبة لإلك يلا خير انشاء الله بس ينعملوا وافينا فيهن خير يعطيك العافية

أخي الكريم هلأ إرتفاع الخصية اليمنى عم تقول بشكل متكرر أو بشكل مستمر صعودا ما نحنا ما حددت لنا أنه إرتفاعا لأي مستوى يعني عم تقول عم توصل للبطن للداخل للناحية الإربية إلى أين ما عنا فكرة هلأ إذا كان فعلاً عم توصل لهيدي المنطقة أكيد في خطورة عليها ممكن حدوث وهو الأخطر شي بصير عنا إنفتال بالخصية أثناء صعودها وهبوطها * مشان هيك لأ يفضل مراجعة أخصائي لحتى تتقيم الحالة على الواقع لحتى يتخذ الإجراء المناسب بالتوفيق انشاء الله

لا علاقة للعادة السرية بذلك، حرقان البول له اسباب كثيرة كالتهابات المسالك البولية او الحصى. يجب مراجعة الطبيب اذا كان يصاحب الحرقة الم في الخاصرة او ارتفاع في درجة الحرارة او انتفاخ و الم في الخصيتين. عدا عن ذلك يجب شرب الماء بوفرة بحيث يقل تركيز البول و يصبح اللون شفافا

أخي الكريم هلأ وجود الألم بالخصية اليمنى بمنطقة معينة قد يكون هناك زائدة خصوية أوو كيسة مائية أو شي من ضمن الخصية وهذا لا يمكن تشخيصها إلا بإجراء سونار دوبلر للخصيتين هلأ الشغلة الثانية إنه بتخجل تروح لعند الطبيب بسبب العادة السرية بعتقد إنه إذا بتستمر  ع هالحالة مش رح يتم معالجتك * بالطريقة الصحيحة أكيد بدك تكسر هادا الحاجز وتراجع طبيبك وتعترف له بالحقائق الموجودة عندك حتى يتم مساعدتك وبعتقد إنه الموضوع بالنسبة لإلك يعني قابل للعلاج ما في إشكالية هلأ الدوالي إذا كان بالجهة اليسرى أكيد فعلاً هي موجودة ما بتحدد درجتها قديه لحتالي أكيد مع إجراء تحليل سائل منوي حتى يقيم طبيب وضعك بشكل عام إذا كنت تحتاج لإجراء تداخل جراحي أم لأ بالتوفيق انشاء الله

أخي الكريم هلأ وجود متل ما عم تذكر انت لون السائل المنوي مائل للخضار أكيد هذا اللون لا يستحب من قبل الأطباء لذلك بفضل إنه تعمل زراعة للسائل المنوي يفضل وضروري ان ينعمل زراعة للسائل المنوي وأكيد بدك تحاول تبعد قدر الإمكان عن الممارسة العادة السرية إذا كانت كمان أيضاً بإفراط لأنه بتعمل توزم بالمجاري البولية بصير عندك صعوبة بالتبول يلا بالتوفيق انشاء الله

أخي الكريم بالتأكيد ما في مرهم جلدي ممكن يحللك هادا الموضوع لا بل بدك تراجع أخصائي جراح مسالك بولية حتى يكشف عليك ولحتالي يشخص مزبوط ويقرر خطة العلاج شو هي يعني لازم يتحدد السبب إنه ليش عملي هيدي الأعراض الإنكماش الموجود عندك بقى هيدا بده فحص سريري حتى يتخذ القرار فيه بالتوفيق انشاء الله

أخي الكريم انت ما حددت لنا حجم الحصيات الموجودة عندك واللي نازلة هي بالحالب نحن ما عنا فكرة عن الحجم هلأ كونه معطينك تامسولوسين أو ما شابه قد يكون إنه الحصيات أقل من ستة ملم مشان هيك إنه هولي الحصيات بينزلوا ولكن قد يكون بدن شوية وقت على كل حال يفضل هوي إرسال إذا في عندك تقرير * طبقي محوري أو شي حتى نقدر نعرف نخدمك بالموضوع هلأ العلاج الدوائي اللي عم تاخده م تدوير الحصيات هذا ممكن إنه تستمر عليه القذف الراجع أكيد من العلاج اللي انت عمالي تاخده بعد إيقاف يومين أو تلاتة ترجع الأمور إلى طبيعتها بقى بنصحك تبعت لنا صورة عن التقرير حتى نقدر نفيدك أكتر بالتوفيق