أسئلة واجابات طبية أمراض المسالك البولية والتناسلية

هلق وجود الحمى شو ما كان سببها تؤدي إلى تعرق وتبخر السوائل عن طريق الجهاز التنفسي فهوني بقل بول هذا طبيعي لكن إشو سبب الحمى بدها دراسة هي الحمى ما بنتهمل إذا شغلة جريب أو ما جريب لا سمح الله في كورونا لا سمح الله في أيا شيء فنحنا ما بدنا نكتفي بس بتنزيل الحرارة باستخدام الباراسيتامول

طالما الألم مستمر وعبعيق نشاطك فهناك مشكلة حقيقية الحكي غير كافي نحنا لازم نعمل إستقصاءات أهم إستقصاء وأسهل شي ينعمل إيكو سونار يعني للبطن ويتركز فيه على المنطقة اللي عبتعاني فيها من الألم يندرس الكليتين يندرس الكبد يندرس كل البطن بشكل كامل إذا لا سمح الله شكوا بشي * ينعمل طبقي محوري أما هيك بس بالحكي ما منستفيد شي

بعد هالعمر ما رح تكبر الأعضاء التناسلية وصلت لهالحجم بدا تحافظ عليه ايه بقى صغر القضيب شقد بقى حسب إنت طول جسمك حسب إنت حجمك يعني بعدين طول القضيب يعني إذا إنت كنت عبتشوف أفلام رح يكون قضيبك أصغر منها بكتير لأنهن هن الغير طبيعيين وليس إنت لا تقلق مشان الحجم أهم شي الإنتصاب يكون كويس

هلقين خروج تيار البول ضعيف إله كتيير أسباب قد يكون عنا تضيق قد يكون عنا تشنج قد يكون عنا المثانة فيها نوع من الإرتخاء قد يكون عنا كمية البول اللي موجودة في المثانة واللي بدها تطلع أقل من ميتين سي سي أقل من ميتين ملليلتر بتطلع على شكل تيار ضعيف * طالما مافي عندك حرقة طالما عندك ايه وانت متوتر يعني هدي حالك رخي حالك طمنك الطبيب فقدر الإمكان لا تتهيج جنسياً بدون ما تفضي ولا تأجل بولك