أسئلة واجابات طبية أمراض المسالك البولية والتناسلية

المطلوب منك إنك ما تتهيج جنسياً بدون ما تفرغ ولا تأجل تبويلك لأنه الشي اللي عب تشكي منه هو إحتقان بروستات وممكن يتطور لإلتهاب بروستات إذا انت عزابي تزوج وإذا كنت مانك قادر تتزوج لا يعني ما تعمل العادة السرية شغلتك إذا في حرقة خود علاج ليفوفلوكساسين عيار خمسماية * حبة يومياً لمدة شهر

هلق وجود الحمى شو ما كان سببها تؤدي إلى تعرق وتبخر السوائل عن طريق الجهاز التنفسي فهوني بقل بول هذا طبيعي لكن إشو سبب الحمى بدها دراسة هي الحمى ما بنتهمل إذا شغلة جريب أو ما جريب لا سمح الله في كورونا لا سمح الله في أيا شيء فنحنا ما بدنا نكتفي بس بتنزيل الحرارة باستخدام الباراسيتامول

طالما الألم مستمر وعبعيق نشاطك فهناك مشكلة حقيقية الحكي غير كافي نحنا لازم نعمل إستقصاءات أهم إستقصاء وأسهل شي ينعمل إيكو سونار يعني للبطن ويتركز فيه على المنطقة اللي عبتعاني فيها من الألم يندرس الكليتين يندرس الكبد يندرس كل البطن بشكل كامل إذا لا سمح الله شكوا بشي * ينعمل طبقي محوري أما هيك بس بالحكي ما منستفيد شي

بعد هالعمر ما رح تكبر الأعضاء التناسلية وصلت لهالحجم بدا تحافظ عليه ايه بقى صغر القضيب شقد بقى حسب إنت طول جسمك حسب إنت حجمك يعني بعدين طول القضيب يعني إذا إنت كنت عبتشوف أفلام رح يكون قضيبك أصغر منها بكتير لأنهن هن الغير طبيعيين وليس إنت لا تقلق مشان الحجم أهم شي الإنتصاب يكون كويس