أسئلة واجابات طبية أمراض المسالك البولية والتناسلية

يعني شو بدي قلك ما بعرف راجع طبيبك إللي عمل العملية أو حدا آخر يفحص المنطقة يعني نحنا الإنسان اللي ماو مشغول فيه ممكن ينجع وبعد ما انشغل وصار عمليات بقى الطبيب اللي عمل العملية هو اللي بيحسن يعطيك الجواب المقنع أو حدا يفحصك يعني بس هيك على الحكي مشان ما نشوشلك أفكارك

شو قصدك بالخصية المعلقة نحنا الخصية الهاجرة يعني عمره خمس سنين عنده خصية هاجرة مثلاً بالطرف اليسار والنطاطة باليمين لازم يشوفه طبيب بولية أو طبيب أطفال شاطر ويكون بخاف الله هذا أحياناً بينزلوا على علاج بإبر ال أش سي جي بروفازي أو بريجينيل إسمها ما يروحوا لعند طبيب ميال للجراحة بشكل دائم لاء هذا ممكن يستفيد على علاج بالإبر ياخدله ست إبر عيار ألف وخمسماية تسع االاف وحدة دولية ممكن يستفيد بس ما بحسن بحكم إلا الواحد بده حدا يفحص

الأمل يعني نحن دائماً ما منقطع الأمل لكن شوي ضعيف بس لازم تدرسوا ليش هالتشوهات إذا في إلتهابات لازم يتعالج إذا يعني بس يعني لا تهملوا الموضوع

صباح الخير كل ما وصفته هو طبيعي بحالة إنه الخصية اليسرى متدلية أخفض من اليمنى اثنين ثلاثة سم هذا طبيعي لما بنكمشوا بصيروا فوقا طبيعي مافي شي 

إذا استمر الألم أو زاد راجع طبيبك اللي عمل لك العملية 

في عندك إلتهاب بولي يعني ما كتير شديد لكن بسيط فقدر الإمكان بدك تشرب سوائل كتير تتجنب الحد البهار المالح المخلل تتجنب الشيء اللي بيعطي حرقة في البول بأكلك وشربك لا تأجل تبويلك لا تتهيج جنسياً بدون ما تفضي واستخدم دواء إسمه ليفوفلوكساسين * عيار خمسماية حبة كل يوم لمدة شهر 

أهم شي لازم لما يصرلك فرصة إنك تقعد مو تتم واقف الوقوف الطويل كتير بيزعج فدائماً حاول إنك إنت تريح حالك بين فترة والتانية إلبس لبس فاضي ما يكون لبسك ضيق ما تتهيج بدون ما تفضي ما تأجل تبويلك يعني ما ياخدك الشغل وتأجل تبويلك ماي كويسة هيك