اريد تشخيص لحالتي الصحية من فضلك

أولًا سلامة قلبك يا رب، وما عليك إلا العافية.وثانيًا ليش كل هالقلق والإنزعاج والتوتر اللي عم بتعاني منه حضرتك بحياتك؟حضرتك عمرك 24 سنة يعني المفروض بإذن الله تكون صحتك عال العال، وتأكدي دام الصحة بخير ما في شيء مهم ثاني.بالنسبة للأعراض اللي بتشتكي منها ممكن تكون بسبب القلق أو التوتر المزمن؛ بس كمان ممكن أشياء ثانية.ومؤشر كتلة الجسم 19.3، فحتى وزنك بالنسبة لطولك بالمعدلات الطبيعية.بس بنصحك تستثني أي فقر دم عن طريق تحليل صورة الدم الكاملة، ولو كنت متبعة نظام غذائي صارم بغرض التنحيف ممكن يكون مؤثر على صحتك حاولي تراجعي أخصائي أو أخصائية تغذية وهم بإذن الله بيعطوكي النصيحة والتوجيه الصحيح.ولازم تاخدي فيتامين دال حتى تعوضي النقص.شعوري الشخصي بعيدًا عن الأعراض حضرتك تعاني من قلق وتوتر كلنا عانينا منه بهذا العمر ممكن حضرتك تكوني طالبة جامعة أو بالعمل الله وأعلم؛ حاولي تاخدي كل الأمور بالحياة بشكل سهل وسلس وبدون ما تتعبي صحتك الله يحفظك.ومرة ثانية سلامة قلبك يا رب؛ وما عليكي إلا العافية.