أسئلة واجابات طبية أمراض المسالك البولية والتناسلية

صباح الخير كل ما وصفته هو طبيعي بحالة إنه الخصية اليسرى متدلية أخفض من اليمنى اثنين ثلاثة سم هذا طبيعي لما بنكمشوا بصيروا فوقا طبيعي مافي شي 

الدوالي ما لها أي علاقة بالنسبة للإنتصاب الدوالي إنه هيك يختفي الانتصاب فجأة بسببها لأ ما أظن في أي مشكلة في هالموضوع على كل حال قد يكون الموضوع عابر مننتظر ومنشوف إسا ما مضى الوقت الكافي اللي حتى نقول إنه إنت عندك ضعف إنتصاب 

سبب الألم هو الإلتهاب اللي عندك لازم يتكافح هذا ولفترة طويلة هلق إنه يصير التجمع لسائل حول الخصية بطرف عملية الدوالي ويخليها هلقين وزمة مافي مشكلة هذا وارد عند كل المرضى ومين ما كان يكون الجراح هذا إختلاط وارد بنسبة ثلاثة عشر لخمسة عشر بالمية مافي مشكلة لكن إنت مشكلتك إنه بدك تاخد دواء إلتهاب * لفترة طويلة مو يعني يعني قد توصل معك شهرين أو ثلاث أشهر 

هلقين حسب الحجم اللي عم تحكيه مافي مشكلة وبكير على إنه تتداخل أي شي لأ هلقين فقط إنتظر وراقب أهم شي ما تلبس لبس ضيق ما توقف وقفة طويلة ما تتهيج جنسياً بدون ما تفرغ ما تأجل تبويلك وعيش عادي وحاول تشغل حالك بشغلات أخرى

لأ أبداً هي مي الدوالي الدوالي عروق لحالها بتبين بتبين كيس الصفن متل كأنه في دود يعني في مجموعة من العروق المشربكة مع بعضها فهي منسميهاص الدوالي هي متل الدود أما إنه هي العروق اللي عندك لأ مي دوالي لا تقلق

مشان إيش تمارين الحديد مشان إيش كرة قدم اوكيه ممكن عالخفيف ما تجيك ضربة ما تجيك شي تمارين الحديد بخلي الدوالي ترجع بدا تخلي الدوالي ترجع ما في داعي لهيك تمارين مجهدة كلا بس مشان منفخة

أنت تحتاج إلى تصوير بالسونار تصوير بالأمواج فوق الصوتية السونار للصفن لحتى نشوف إشو وضع هالخصيتين القيلة المائية هل هناك عندك هيدروسيل إذا بدا جراحة أو لأ إذا كان في دوالي مرافقة أو لأ ما بحسن أجاوبك لأشوف الصورة