أسئلة واجابات طبية أمراض المسالك البولية والتناسلية

سبب الألم هو الإلتهاب اللي عندك لازم يتكافح هذا ولفترة طويلة هلق إنه يصير التجمع لسائل حول الخصية بطرف عملية الدوالي ويخليها هلقين وزمة مافي مشكلة هذا وارد عند كل المرضى ومين ما كان يكون الجراح هذا إختلاط وارد بنسبة ثلاثة عشر لخمسة عشر بالمية مافي مشكلة لكن إنت مشكلتك إنه بدك تاخد دواء إلتهاب * لفترة طويلة مو يعني يعني قد توصل معك شهرين أو ثلاث أشهر 

هلقين تحليل السائل عندك كتير سيء تحليل واحد غير كافي للتقييم ما بعرف إنت من إيش عم تشكي هلق التحليل سيء هل عندك ضعف جنسي هل أنت متزوج هل هذا التحليل هو الوحيد عملت شي تحاليل كانت أفضل وتراجعت بدك تشوف حدا أخصائي يفحصك يكون في إحاطة كاملة في الموضوع التحليل سيء راجع إختصاصي إنت من أي بلد * أنا ممكن وجهك لطبيب كويس يكون قريب عليك

أهم شغلة في ممارسة الجنس إنه يكونك مركز في الجنس ونسيان يعني ما إنه يكون عندك قلق أو خوف من الفشل إنه إنت رح تفشل هي واحد إتنين بدك تكب كل مشاكلك برا راسك بده يكون مرتاح أهم شغلة ما يكون عندك حرقة ولا في عندك إلتهابات ومنشان * الأدوية هي مقويات كتير بسيطة لأ بدك تاخد التادالافيل عيار عشرة ملغرام إما بتاخد ع العشرين وبتقسمها نصين أو بتاخد الخمسة بتاخد حبتين تادالافيل سياليس

أهم شي عندك إنت شغلتين طالما مافي حرقة هذا مافي إلتهاب فنحنا عنا شغلتين مهمات لازم إنت تطبقن حتى ما يصير عندك هالشي واحد لازم ما تأجل تبويلك إنت عندك أحياناً لما بتنحصر بالبول بتأجل تبويلك إثنين لازم ما تتهيج جنسياً بدون ما تفرغ حاول تشغل حالك بنشاطات غير العادة السرية والتهيج الجنسي

العدد مقبول الحركة أقل من عادية لكن في عندك إلتهاب بالسائل المنوي غالباً جاي من منطقة البروستات لازم تاخد دواء إسمه ليفوفلوكساسين عيار خمسماية حبة يومياً لمدة ست أسابيع

إعمل فحص بول حتى ننفي وجود إلتهابات عندك أو وجود رمل لازم إنت إذا عندك إمساك تكافحه ما تأجل تبويلك وإذا في عنا إلتهاب لازم نكافحه وأهم شغلة إذا تهيجت جنسياً يعني ما تحاول إنك تتهيج جنسياً وما تفضي اعمل تحليل البول وابعتلنا ياه حتى إذا في إلتهاب * إذا تم طبقنا كل هالقضايا وتمت المشكلة موجودة لازم نتحرى عن مشاكل عصبية في ضهرك

الحمد الله عسلامتك الحمد الله ما صار كسر بس دير بالك هي الحركة ممكن تؤدي إلى كسر منيح إنه ما كان الإنتصاب قاسي الحمد الله عالسلامة انتبه