انا من فترة عم اتخانق كتيير مع امي و ذلك بسبب عدة مشاكل في الأول كانت عم تقنعني بفكرة زواج و انا كنت عم أرفض بعدين صرت اي شي بفكر انو عم تعمل هيك مشان اترك البيت و اتزوج و هلا صرت كتيير عدواني و صرت عم ببكي كتير ما عرفت شو السبب و هل انا اعاني من مرض نفسي

يمكنك التحدث مع معالج نفسي

مرحبا ؛ أنا بعاني صرلي سنتين من مشكلة توتر شديد وقت شوف الأكل قدامي خصوصي اذا شفت سفرة أكل أو أكتر من صحنين . معدتي و مصراني بيتوتروا دغري ، بالإضافة اني مافيني اسمع أكتر من صوت واحد بشرط ما حدا يطول معي بالحكي بفضل البقاء لوحدي بفضل ابكي صرخ ما بخلص بكي أبدا . انا ما بتحمل كلمة انا حاسة فيكي .

الطول؟الوزن؟نحتاج إلى علاج نفسي مكثف في جلساتمع الاهتمام بالجوانب الجسمية.. بعد العرض على الزميل أخصائي الباطنة

مرحبا انا بنت عمري 17 عم تاني من وسواس قهري٬كان يجيني وساوس سخيفة كنت اقدر اتغلب عليها بس هلء كل ما يجي الوسواس بخاف وبرتعب وبضل خايفة وعم ضل فيق بنص الليل٬ وللعلم ما كان يجيني وسواس الا بعد ما وحدة بعرفها قتلت نفسها٬ هلأ عم يوسوسلي نفس الشي انو اقتل نفسي وللعلم انا مستحيل اعمل هيك بس ما عم حس بالامان

سلامتك. عزيزتي من الأفضل علميا وعملياً تجنب استخدام مصطلحات طبيه متخصصه فقد يكون ما تعانين منه هو وسواس فعلا وكما تفضلتي، ولكن قد تكون هذه أيضا أفكاراً توتريه بسبب القلق او من منشأ اضطراب في المزاج كالاكتئاب مثلا وحتى نستطيع تشخيص الحاله بدقه ومن ثم وضع خطه علاجيه شامله دوائيه وغيرها فالانسب هو مراجعة الطبيب النفسي بشكل مباشر وشخصي. راجيا لكِ موفور الصحه والعافيه والسعاده

السلام عليكم الي فترة بشعر بفقدان لذة الحياة وبشعر اني انا السبب بكل شي غلط وانو الدنيا كلها ضدي و فترة نحفت ورجعت عادي بس مدايقة بكون بدي ابكي بس مش قادرة

لا بد من العلاج من الطبيب النفساني

انا عمري 26سنة و من زمان بحكي بنومي و بتحرك و كنت احيانا اطلع من البيت و هلأ عم شوف حلم و اتحرك فيه و فجأة بفيق بلاقي حالي بغير غرفة و اغلب المرات كوابيس و بعمل شغلات بتحوف اللي معي بالبيت و احيانا بعيط و بصرخ و هالحالة اقل شي مرة بالشهر و بخاف اجرح حدا لان مرة فقت و حامل سكينة ب ايدي و بدي مساعدة

يفضل عمل رسم كهربائي ع المخ اولا

اللي صاير معي اني مزاجية جدا و بحس بتعب بكامل جسمي و بحس اني ما عندي طاقة اعمل اي اشي بالمرة احيانا بتصيبني دوخة و بمر بفترات بضل اعيط طول الليل و عندي أرق احيانا كنت احس بوجع بصدري و ما بركز منيح في اي اشي لا بدراسة ولا بغيره الموضوع متعبني كتير بدي اعرف شو حالتي

سلامتك. المنصات تقوم بعمل ارشادي عام وتوعوي. لكنها وبخاصه في الطب النفسي ليست مواقعاً كافيه للتشخيص الدقيق او ووصف المعالجات ان كانت دوائيه او غيرها. فلكل حالة تفاصيل تهم الطبيب للوصول إلى التشخيص وهنالك أيضا المقابله المباشره وفحص الحاله النفسيه والعقليه للمريض وهي هامه وضروريه أيضا. ولكن من خلال شكواكِ فإن لديكًِ العديد من مظاهر اكتئابيه (والاكتئاب لا يتم تشخيصه فقط وحصريا بتدني المزاج) لذا فانتِ بحتاجه لتقييم افضل وأشمل وذلك بزيارة الطبيب النفسي للقيام بالتشخيص والمعالجه متمنيا لكِ موفور الصحه والعافيه

لي فتره كتير بنام و عندي فقدان شهيه وبس بدي اقعد لحالي بغرفتي وانعزل ، ما عم اعرف ابكي او اعبر ، وصلت لمرحله ما عم حس انو عندي مشاعر يعني متل كانو متجمده

هذه أعراض تشير لاضطراب المزاج وتتطلب تقييم الطبيب النفساني والعلاج

اعاني من اضطراب ثنائي قطب وقد انتكست مرتين بفترة سنة ونص بس المشكلة تعودت عالخمول بسبب الادوية من وقت ما اخدتون بقعد بالبيت وبنام كتير والان بنام فوق ١٢ ساعة مع انو قاطع الدوا الان وما بطلع من بيت احيانا بفكر انتحر ما عندي اي نشاط اعملو حتى اني امارس كرة القدم يلي كان حلمي فيا تخليت عنا

يجب المتابعة مع طبيب نفسي ومتابعة جلسات علاج نفسي

عطول بحس حالي مدايقه و معصبه و كان متل شعور نار بقلبي و بدي ابكي و بحس مش مبسوطه عطول و كمان في شغله كل فتره بتصير معي انا و نايمه راسي بصير يرج منل كان كهربا وجسمي و متل شلل بجسمي و بطل فيني احكي

يمكنك مراجعة الطبيب لإجراء الفحوصات الطبية، كما يجب المتابعة مع معالج نفسي لعلاج الأسباب النفسية الكامنة التي تؤدي الإكتئاب

من ٣ سنين بطلت احس بأي اشي اتجاه اي حدا حرفياً يعني ابوي لما صرت اتطلع عليه ما احس بأشي وعادي لوتمر فترة طويلة ما اشوفه وغير اني صرت اتحسس من اي كلمة بتنحكالي وزمان ما كنت هيك

تحتاج الى تشخيص دقيق

سؤال من أنثى 23 سنة

أمراض نفسية

مشكلة نفسية و انهيار عصبي

5 يوليو 2021

529

كنت اواجه مشاكل نفسية كتير الفترة الماضية يلي صار انو هلأ عم احس انو نفسي اضرب الحيط او المكتب او اجرح حالي بعدين بقعد ابكي بعدين برتاح نفسيا الي ١٠ اشهر ع هي الحالة و اضافة انو عم احس عالاقل كل اسبوع انو قلبي عم يدق بسرعة بدون ما اعمل جهد