بعاني من فتره من دوخه مستمره من اقل مجهود وصداع شديد و ارهاق عام وصعوبه ف اني اقوم من النوم حتي لو نمت فتره طويله متواصله بحس ان جسمي مش مستكفي حللت صوره دم وحمل والحمل سلبي وصورة الدم كويسه الا ال lym مرتفع 53.5% و ال mxd مرتفع بسيط 10.9% ف هل النسب تستدعي اروح لدكتور وايه ممكن تكون اسباب حالتي

يجب عمل بعض الفحوصات.. للضغط والسكري وفخص الأذن عمل بعض الفحوصات الفيتامينات والمعادن في الجسم ممارسة الرياضه بشكل منتظم مثل السباحه والجيم شرب كميه كافيه من الماء من ٢ _ ٣ لتر التعرض الاشعه الشمس الابتعاد ع التدخين اخذ بعض الفيتامينات مثل دال.. سي... V12 Omega3 يجب عمل فحوصات الغده الدرقيه TSH. T3. T4

سلام عليكم اولا انا واحده دائما بتحس بالم شديد في جسمها كله وخاصه الضهر والرجل اليمني مع العلم ان انا عندي 15 سنه وكمان وجع جامد في راسي احيانا بتقلب بدوخه وكمان عيوني بتدمع كتير بسبب كدا وكمان اي شئ مسكر اوي بيخليني ارتجف ايه معني كدا بقي مع العلم اني عملت تحليل انيميا وطلع كويس ارجو الرد

و عليكم السلام يفضل مراجعة طبيب باطني من اجل الفحص و التقييم لان الاسباب متعددة

لي فترة بقوم من النوم تعبان وراسي ثقيل وسخونة في وجهي وجسمي وعيوني تزغلل ويجيني صداع متكرر في اليوم غريب وليس قوي ولكنه مزعج، ما عندي فقر دم وعندي نقص شوي في فيتامين د التحليل 23.8 والدكتور أعطاني إبرة 2200 وحدة وقال تكفيك...بس لا زلت كما أنا ومضايق بسبب كذا مع العلم عندي وجع برضو في رقبتي.

صورة دم كامله وقياس ضغط وسكر مخزون حديد وغده درقيه ونسبه كالسيوم يجب نوم الليل من ١٢مساء ولمده ٨ساعات لان إفراز الهرمونات المهمه لراحه الجسم وبناءه تفرز في هذا الوقت خذ مجموعه فيتامينات ب ود اوميجا ٣وزنك وكالسيوم وبالنسبه لوجع الرقبه ممكن هو يكون مسبب الصداع والدوخه ممكن استخدام بارامول اقراص ودهان مسكن باسط للعضلات

دكتور انا انهارده وانا بساعد ماما في تحضير الاكل حسيت فجأه بدوخه وصداع الصداع ده عندي من ١٧يوم بس زاد شويه وشويه زغلله في عيني وبطني كانت بتوجعني مع العلم اناصايمه هل ده خطير؟

مطلوب تحليل صورة دم كاملة وتحليل نسبة فيتامين دال وإذا ما عثر على الأنيميا فيجب تناول أقراص حديد (فرافيرو) أو (فيروتون) مرة واحدة يوميا وأكياس (برافوتين) مرة واحدة يوميا، وحقن بي12 مرة واحدة أسبوعيا وفوليك أسيد 20 ملجم مرة واحدة يوميا، كما يلزم قياس حدة الإبصار وتخفيض عدد ساعات النظر إلى الشاشات الالكترونية والنوم ليلا ما لا يقل عن 6-8 ساعات يوميا والاهتمام بالتغذية الصحية الجيدة الغنية بالحديد والمعادن خصيصا الشوربات، واللحوم الطازجة والكبد والخضراوات والفواكة الطازجة، وتجنب المنتجات الغنية بالجلوتين والبقوليات جميع القشور والبذور التي تجهد القولون،وشرب كمية كافية من السوائل فترة الإفطار، كما يرجى مراجعة طبيب جهاز هضمي إذا كنتي تعانين من أي أعراض مزمنة كالإمساك مثلا.

بحس بدوخه وغثيان وصداع وشحوب الوجه وتسارع ضربات القلب وضعف الاظافر عملت تحليل انيميا من 4 شهور واخدت برشام لمده شهر بس مخفيتش عليه والفتره دي الاعراض زادت عن الاول عايزه اعرف عندي نقص في الحديد ولا لا

يجب فحص الدم لمعرفة اذا كنت تعانين من نقص فالحديد.

عندي 23 عندي دوخه بتيجي فجأه وخذ في دماغي عدم توازن وعدم تركير وتوتر شديد بسبب شئ يحدث معي دائم وبيجلي وخذ في أيدي ورجلي وأحيانا قليله تنميل يسبط في أيدي ورجلي انا عندي ضعف شديد في النظر وهعمل عمليه ليزك وكان عندي انميه فول وانا صغير ومحللتش من وقتها اتمنى حد يطمني علشان لما دورت على الأعراض قلقت

الانيمياا بمختلف انواعها تسبب مثل تلك الاعراض، لا بد من الفحوصات المساندة ومراجعة الطبيب. سلامات

انا عندي 22 سنة بس على طول بحس اني دايخ ومهبط ومش مركز خالص وعندي ضيق نفس ومش قادر اقف او امشي وروحت لكذا دكتور وعملت تحاليل واشعة كتير والحمد لله كل ده كان كويس بس عندي نقص جامد في فيتامين د (6mg) والتهاب مزمن خفيف في الجيوب الانفية فهل هو السبب فى كل ده؟ وايه العلاج؟

اتبع وصفة طبيبك لتعويض نقص فيتامين د فمن اعراض نقص فيتامين د الخمول والتعب العام عليك فحص مخزون الحديد أيضا انا بالنسبه الجيوب الانفيه عليك مراجعة طبيب أنف وأذن وحنجره لمعالجة المشكله

اشعر بدوار في الرأس وكان في بحر بيتمرجح جوايا وتعب وخمول وخدران في اليد ورجلي لما بقف عليها مش بحس بيها وعندي رعشه وضربات قلب سريعه عملت تحاليل الدم الحديد ناقص عندي شويه والدم كويس وتحليل الغده كويس من شهر ضغط الدم عندي انخفض وركبت محاليل بعديها باسبوعين الضغط انخفض تاني وركبت محاليل اي السبب

ممكن صور التحاليل التي عملتيها لكي نقوم بالتشخيص اكثر

نا كنت باخد كورتيزون بقالي كام شهر ووقفتو من اسبوع وعندي ألم في المفاصل عامل صعوبه في المشي والعضلات ضعيفه جدا مش بقدر اشيل حاجه ولا ارفع رجلي أو دراعي غير بصعوبه وألم ممكن دا يكون روماتيزم ؟؟ والقولون منتفخ ورعشه ف الايد بسيطه وجفون عيني بترف كل يومين ممكن دي اعراض انسحاب ولا خطيرة ؟

السلام عليكم عند التوقف عن تناول الكورتيزون فجأة فإن الجسم يخلو منه وهو اللازم للعمليات الحيوية في الجسم لأن الغدة الكظرية تكون توقفت عن انتاجه بسبب تناوله من خارج الجسم ولا تعود لعملها إلا بعد فترة لذلك يجب التوقف عن تناولة تدريجيًا لذلك بالطبع هذه أعراض إنسحاب ويجب الرجوع الى الطبيب الذي وصفه او مراجعة طبيب اختصاصي غدد صماء للمتابعة وبأسرع وقت وبالسلامة انشاءالله