السلام عليكم / دكتور اني شاب عمري ٢٥ سنه قبل ايام بديت اشتكي من دقات في قلبي في بعض الاحيان تكون سريعه والبعض ضعيفه وكان القلب راح يوقف لكن السريعه تجيني اكثر سويت فحص لكن الطبيب ماعرف مشكلتي وقال لربما انو عندك دلقات هاجره / دكتور هل الدقات الهاجره الها مشاكل مستقبلآ او خطره؟

غالبا هذا بسبب التدخين اولا والتوتر ثانيا ويفضل عمل تحليل صوره الدم كاملة مع هرمونات الغدة الدرقية وايضا متابعه نبض قلبك لمدة ٧٢ ساعة بجهاز هولترمونيتور مع الشكر ودوام العافيه

انه عندي ضغط الدم وعندي تهدل بسيط بالصمام وعندي خفقان راجعت دكتوره قبل عده اشهر وصفتلي علاج للضغط لوفاسك حاليا عندي عمليه وطبيب التخدير ماسمح يسويهه لان الضغط صاعد رجعت لدكتوره ونطتني علاج ماسالتهه ومااكدر اراجع بسبب الحظر السؤال هوه اعوف علاجي القديم الي هوه لوفاسك لواخذه ويه العلاج الجديد مكمل اله

ننصح بالعودة الى علاجك بعد التحقق من مستوى الضغط طبيا وعلى ضوء مستواه سيتم تحديد الجرعة

اني من جانت صغيره توفه والدي وراها صار عندي صعوبه بلتنفس وعند الفحص تبين عندي ترهل بصمام القلب كالي انو هوبسيط وكالي انو لازم كل ٦ أشهر أو سنه اراجع ستمريت اراجع تقريبا كل سنه ماكو اي شي صالي فوك ل٣ سنوات ماراحع مرات يصير عندي وجع بقلبي ونبض سريع وقوي شنو تنصحوني وهل هو خطر يستوجب اراجع أو لا

ترهل الصمام او انسداله امر شائع ولا يسبب مشكلة والمتابعة الدورية مع الطبيب فقط للوقاية من مضاعفات فان التزمت بالتوصيات والارشادات التي ينصح بها طبيبك فلا داعي للقلق وستعيشين حياتك بشكل طبيعي

سلام عليكم من سنه ونصف حصلت لي جلطه خفيفه بالقلب كتب لي الطبيب بدوفكس 75 مل الان اذا اخذ هدا الدواء ياتيني الم بالصدر عند المشي واذا لا اكون طبيعي لو مشيت كثيرا هل اوقف العلاج

لا بل عليك بمعاودة طبيبك للتحقق من طبيعة الألم وسببه

سلام / انا عندي ربو ومؤثر على القلب وكتب لي علاج اخذه لمده ٤ شهور : الحبوب [ Lotense- spironolactone- فيوزكس - ] المشكله اذا تركته يومين جسمي يورم يعني افضل اخذه طول عمري ؟!

لديك اعتلال في عضلة القلب اليمنى بسبب الربو القصبي المزمن وبالتاكيد ترك المدرر ( العلاج الاول) يؤدي الى تورم ويفضل الالتزام به مدى الحياة

الاحساس بنبض القلب ورة الاكل لو من اريد انام هل هذا طبيعي علما قبل اشهر اني ماخذ ايكو طلعت النتيجة سليم وبين فترة و فترة اخذ تخطيط قلب كله سليم و طبيعي بس اني حاليا كاع اخذ علاج كونكور 2.5 لان جان عندي شوي تسارع وهسة الحمدلله بس اني الي اريد اعرفة شنو هالاحساس بنبض القلب ؟ هل هو طبيعي ؟؟؟

بما ان الفحص الطبي كان سليما فلا يوجد مدعاة للقلق فقد يكون الامر بسبب تسارع بسيط غير مرضي وبتجنب الاجهاد بعد تناول الوجبات الغذائية مع اتباع نظم غذائية سليمة سيتلاشى حتى بلا علاج دوائي

السلام عليكم انا مراة عمري خحسنة اشكو من عدم انتظام في ضربات القلب إما سريعة او بطيئة وغير منتظمة اخذ دواء اسوبتين 80 ثلاث مرات لمدة 6 سنوات واصبح النبض عندي بطيئ جدا غير لي الطبيب الدواء واعطاني كونكور 5 مرة في اليوم وبعد تناوله ارتحت لمدة 20 يوم وبعدها عادة الحالة نفسها سرعة وبطئ وخفقان هل العلاج لم يناسبني وبماذا تنصحوني؟؟؟

لا داعي للقلق ولكن لا بد من تحديد نوعها وسببها قبل وصف العلاج لأن علاجها مع بقاء السبب يسمح لها بالعودة مرة أخرى وإن تم السيطرة عليها لفترة من الزمن لأن بقاء السبب يحد من درجة الاستجابة لاحقاً