لو سمحتو سؤال كتير ضروري ومستعجل انا رحت عند دكتور الاسنان هاي الجلسه التانيه وطحونتي موتتني بتوجع وجع مش طبيعي بصحى بالليل منها وحطلي موعد يوم الاثنين عشان الحشوه الدائمه هي الطحونه عصب شو اسوي وليش بتوجع لما بس لساني يصيبها او اعض عليها بتموتني

في الأغلب يلزمها علاج عصب لكن أولا يلزم صورة أشعة ثم رأي الطبيب المعالج

انا من ١٠ ايام عملت حشوة دائمة لطاحونة بس بدون سحب عصب وتاني يوم انتفخ الفك السفلي ولحد الان لسه منتفخ وبوجعني بس خفت النفخة شوي وكمان في الم شديد للطاحونة المحشوة بالاخص اذا شربت مياه باردة او اي شي سخن شو السبب

لا بد من العودة للطبيب ف اقرب وقت لمعالجة الضرس فمن الواضح ان السن يحتاج لعلاج عصب بعد وصف الادوية

أنا من سنة ونص تقريبا كانت لثتي توجعني القسم الامامي السفلي رحت على الدكتور و نضفت الجير خف الوجع بس ما راح بعد فترة رجعت توجعني اللثة رحت على دكتور سوا نفس الدكتور الأول وكان في تحسن طفيف وطبعا الوجع كل فترة يزيد صرت رايح على 8دكاترة ومافي اي تحسن بالعكس عم يزيد لدرجة بطلت احسن طلع الأحرف

قد يكون السبب الألم حساسية ملاطية السن عند عنق السن على مستوى اللثة يفضل عدم اجراء اي تقليح او تجريف للثة والأسنان قبل مضي ٣ اشهر ولابد من معاجين الحساسية ومراجعة طبيبك للتأكد من وجود تآكل او سحل على الاسنان سواء السحل عند اللثة ام الحد القاطع

بما انو مافي عنا دكتور اشتريت لاصق جسر اسنان صيني عبارة عن بودرة وسائل ووضعت داخل كل سن من الجسر وركبتو من يومين بس كل يوم عندي وجع شي 3 ساعات تقريبآ الوجع لكافة الاسنان والرأس وبس اضغط عليه بإدي بيوجعني اكتر مع العلم انو في دكتور حضرلي اسناني سابقآ

خطأ جدا استخدام أي أشياء بدون استشارة الطبيب يرجي زيارة اي طبيب في اقرب وقت

انا لثتي من من 8سنين كبرت وكل مرة بعالجها وبهتم بسناني اجريت قص لثة مرتين واخر مرة ما عزت قص بس تنظيف زبطت بس المشكلة كل مرة عم ترد تكبر مافي الها حل نهائي ولا هيك بدا تضل كل مرة عمل تنظيف واهتمام كتير مع انو اول مرة كانت شبه مغطاي نص سناني واكتر ارجو الرد

قص اللثة عمل تجميلي اولا واخيرا ومكسبك الحقيقي مش فالشكل مكسبك في راحتك النفسية وصحتك داوم على التنظيف كما فعلت وهذا الاصح سيدي السائل واتمنالك دوام الصحة

انا مركبه تقويم صارلي شهر ومن قبل ما اركبوا عندي التهاب باللثه والدكتوره حكتلي انو مافي علاج لالتهاب اللثه غير تفريش الأسنان وانا بنظف اسناني بعد كل وجبه وحكتلي انو سناني رح يوقعو من الالتهاب والتقويم هل فعلاً ما في علاج او دوا لالتهاب اللثه او دوا؟ وعنجد ممكن سناني يوقعو بسبي التقويم والالتهاب؟

علاج التهابات اللثه عن طريق إزالة الجير إذا كان هناك جير في الأسنان مع استعمال مضمضه تحتوي علي مادة الكلورهكسيدين كمادة فعاله ٣ مرات لمده ١٤ يوم مع الحفاظ طبعا علي نظافه الفم والاسنان

سؤال من أنثى سنة

أمراض الأسنان

يعطيكم العافيه انا من شي سنتين او تلات عملت طاحونتي سحب عصب وحشوه فضه

Q: عملت تلبيس لضرسي وع اساس ارتاح من الوجع بس حسيت في فراغ وماركب منيح وصار التهاب باللثة شو ممكن اعمل بليز بدي رد بسرعة

كمايظهر من سؤالك بأن التاج (التلبيس) غير منطبق بشكل جيد على الضرس والحل هو تغيير التلبيس أو إجراء بعض التعديلات على التلبيس حتى تنطبق الأسنان على بعض إذا كان ذلك ممكناً وإلا فلا بد من تغيير التلبيس .

Q: لو سمحتوا انا كانت طاحونتي توجعني ومسوسة رحت ع الدكتور وشال العصب منها وحط فيها حشوة وبعدها بتوجعني مش عارفة شو اعمل

انتظري شويه ممكن يروح الالم واسعدني بلاد للالتهاب واذا لم يختفي راجعي الطبيب

Q: وجع اسنان بعد عمل الحشوة و الحشوة سوسة عادية بدون عصب ياريت تحكيلي شو السبب الوجع طاحونة الي يومين عملاها وطاحونة الي ٩ ايام بطيب و بترجع توجعني ومابقدر اكل عليها

اعتقد ان الاسنان ديه محتاجة علاج عصب مش حشو عادي

Q: انا مركب تقويم الي 20 يوم تقريبا اليوم طاحونتي صارت توجع فجاه خصوصا لمى اعض او امضغ اشي وللعلم قبل اسبوع صار معي نفس الشي بسن اخر ويومين وراح الوجع

وجع في الاسنان خلال علاج التقويم طبيعي بسبب الضغط ع الاسنان لتحريكها واذا استمر الالم يجب مراجعه الطبيب لتأكد من عدم وجود اي تسوس

19 أبريل 2016

1005

يعطيكم العافيه..انا من شي سنتين او تلات عملت طاحونتي سحب عصب وحشوه فضه وامورها تمام بس الها فتره تقريبآ 3ايام عم بتوجعني كتيير وخصوصي عالعض وبس افرشي اسناني كتير بتوجعني