الأجابة

د. محمود قعدان

مرحبا وألف سلامة يا رب عادة علاجات الحديد بيبلش تأثيرها أو بتسبب الشعور بالتحسن خلال 3 أيام، ولكن هذا الشي لا يعني إنه نحنا نوقف العلاج، فالعلاج بيحتاج أشهر حسب نوعية العلاج، مثلاً حبوب أو إبر عن طريق الوريد، كذلك إذا كان في عن طريق الوريد ففي أنواع بتتاخذ أمبولة واحدة لمدة 6 أشهر بحيث بيدوم مفعولها ومش محتاجة توخذيها إلا مرة وحدة، بالمقابل في أمبولات بتتاخذ أكثر 1 - 2 مرة بالأسبوع. لكن بالعادة الحديد بيرجع لوضعه الطبيعي خلال 6 أشهر إلى سنة، وبالتالي لا حاجة لإعادة إجراء الفحوصات قبل هيك لأنه مستحيل تكون القراءة دقيقة. ولكن يمكن أن نصح بإعادة إجراء الفحوصات قبل هيك في إنه شعرتي بأعراض نقص الحديد، عندها بنعمل فحوصات للتأكد من أن العلاج مزبوط أو لأ (بحاجة لعلاج أفضل). نهاية، إعملي الفحص ما في مشكلة بس بحكيلك إنه يفضل إنك تستني على العلاج، إلا إذا كان في أعراض بتخليكي مضطرة لعمل الفحص. وألف سلامة.

الأجابة

د. محمود قعدان

مرحبا وألف سلامة يا رب أنا بدي ألاقيلك الحل الأفضل، إنت عندك خيارين، وهما إنك: توخذي الفيتامين د يومياً. توخذي الفيتامين د حبة أسبوعياً. الحبة اليومية بتيجي بعيار أقل إللي هو 5000 وحدة دولية، إللي هو زي اللي موجود عندك بحبة المكمل الغذائي، وبالتالي إللي مكتوب على هذا المكمل الغذائي صحيح إنه يومياً بتقدري توخذيها. أما الدكتور، فكان قاصد إنك توخذي حبة أسبوعياً إللي بتحتوي على 50000 وحدة دولية. هلأ الحبة الأسبوعية بتحتوي على كمية من الفيتامين د 10 أضعاف الحبة اليومية، وبالتالي بدك توخذي حبة يومياً من المكمل الغذائي ولمدة 10 أيام عشان توصلي جرعة 50000 وحدة وعشان إنت توصلي لمرحلة إنك توخذي الفيتامين د ويصير صح مستواه عندك، ففي حالة بدك تضلي ماشية على المكمل الغذائي فبتحتاجي حوالي 80 يوم، أما إذا جبتي علبة بتحتوي على 8 حبات وكل حبة فيها 50000 وحدة والحبة بتتاخذ كل أسبوع مرة، فإنت بحاجة إلى 8 أسابيع، يعني 56 يوم. بالتالي أنا بفضل إنك توخذي الحبة الأسبوعية وذلك لعدة أسباب: عدد الأيام أقل. عدد حبات الدواء أقل كونه مش مضطرة توخذي كل يوم حبة وإنما حبة أسبوعياً، مقارنة إنه بحالة ال 5000 بدك توخذي 10 حبات لمدة 10 أيام، بالتالي رح يدخل جسمك عدد حبات دواء كثيرة. فرصة إن إنك تنسي يوم أو أكثر ما توخذي الدواء بحالة الحبة اليومية أعلى، أما الحبة الأسبوعية حتى لو نسيتي وأخذتيها بعد 10 أيام بتقدري توخذيها، فما بتخوف. أنا حبيت أوضحلك إياها بشكل كامل عشان ما يصير عندك أي لغط. وألف سلامة يا رب

الأجابة

د. محمود قعدان

التدخين والنيكوتين ليس ادمانا ويمكن التخلص من تبعاته بالارادة الصلبة، لا اعتقد بوجود الادمان في مثل هذه الحالة وانما ضعف ارادة و قلة اصرار على ترك هذا الاشياء الموضوع يكمن في الحالة المزاجية فهو حالة نفسية ويمكن التخلص منها من تغيير اسلوب الحياة و طريقة التفكير .

الأجابة

د. محمود قعدان

سلامات عليك، الفحوصات تدل على وجود نقص في كريات الدم الحمراء و الهيموجلوبين و هذا يعني نقص الدم وهذا ما يسمى ب الأنيميا، ايضا هناك التهاب مفاصل بناء على ارتفاع مؤشرات الالتهاب وهي ارتفاع كريات الدم البيضاء بشكل عام, وايضا في فحص البول يوجد بعض المؤشرات على التهاب المفاصل و تكون اكساللت الكالسيوم وهي مؤشر لوجود الحصى في الكلى، يجب عليك مراجعة اخصائي الامراض الروماتيزمية وايضا اخصائي جهاز المسالك البولية. اتمنى لك الشفاء.