الأجابة

الدكتور محمد حوماني

أخي الكريم انت ما حددت لنا حجم الحصيات الموجودة عندك واللي نازلة هي بالحالب نحن ما عنا فكرة عن الحجم هلأ كونه معطينك تامسولوسين أو ما شابه قد يكون إنه الحصيات أقل من ستة ملم مشان هيك إنه هولي الحصيات بينزلوا ولكن قد يكون بدن شوية وقت على كل حال يفضل هوي إرسال إذا في عندك تقرير * طبقي محوري أو شي حتى نقدر نعرف نخدمك بالموضوع هلأ العلاج الدوائي اللي عم تاخده م تدوير الحصيات هذا ممكن إنه تستمر عليه القذف الراجع أكيد من العلاج اللي انت عمالي تاخده بعد إيقاف يومين أو تلاتة ترجع الأمور إلى طبيعتها بقى بنصحك تبعت لنا صورة عن التقرير حتى نقدر نفيدك أكتر بالتوفيق

الأجابة

الدكتور محمد حوماني

أخي الكريم على الأغلب العامل النفسي هو اللي مسيطر على قصة الضعف الجنسي عندك بقى كونه الفحوصات الهرموني كلها ضمن الحدود الطبيعية بقى أنا بنصحك ببعض الأدوية المحفزة للإنتصاب متل السياليس مم فايف مل جرام حبة يومية مساءً لحتى تقدر تعاود نشاطك الجنسي * وانشاء الله خير يعطيك العافية بالتوفيق انشاء الله

الأجابة

الدكتور محمد حوماني

أخي الكريم حصوات المرارة هيدي بحاجة لأخصائي جراحة عامة على الاغلب على حسب الأعراض المتوفرة عندك الظاهر إنه عم بصير في إما إلتهابات بالمرارة نتيجة هذه الحصيات وأكيد طالما في أوجاع متكررة أكيد عندك كذا بحصة فأنا بنصحك بإجراء عملية بالمنظار واستئصال المرارة مع الحصيات بالتوفيق انشاء الله

الأجابة

الدكتور محمد حوماني

أهلاً أخي الكريم بالنسبة للرض على الخصية خروج متل ما عم تقول انت سائل مني أو شي أصفر ما بعتقد انه في هناك أي خطورة أو أي مشكلة كونه إنه السائل نزل باللون الأصفر يمكن لو نزل لون أحمر أو شي يمكن إلنا ممكن هناك رض وتمزق بالمجرى البول أو بالإحليل أو الخصيتين ولكن هذا الأمر لا يدعو للقلق على الإطلاق كان يفضل بوقتها إجراء سونار دوبلر للخصيتين ما بعرف إيمتى كانت الإصابة عندك وكانت ساعتها بوقتها الأمور تحل بكل سهولة بالتوفيق انشاء الله