الأجابة

الدكتور محمد حوماني

هلأ بالتأكيد الألم بالقضيب يعني بسبب يعنيي الضغط عليه وممكن يكون صار فيه رض على الجسم الإسفنجي للقضيب وهادا إحتمال وارد هلأ بالتأكيد إذا ما صار في تورم أو نزف تحت الجلد بالقضيب هذا ببين معك واضح إذا كان هذا موجود أكيد مباشرة بدك تراجع طبيب أخصائي لإجراء اللازم * يعني متل دوا بروفينيد فولتارين هيك من نوع أنت إنفلاماتوار حبة صبح ومسا على شغلة كم يوم بيمشي الحال وبترجع الأمور متل ما كانت انشاء الله بالتوفيق يا هلا

الأجابة

الدكتور محمد حوماني

أهلاً بعتقد هيك اختلاف بسيط بحجم الخصيتين هذا أمر طبيعي يعني ما لا يعول عليه هلأ قصة الألم الموجوع بالموجود بالخصية اليمنى هيدا أكيد بدو بحس ولكن بعمرك أكتر شي نحن منرشح يعني منرشح يكون إنه الاحتقان يعني انت شب ستعشر سنة بقى الأغلب إنه يكون * هيدا احتقان نتيجة قلة التصريف وهذا الوارد هلأ للتأكد إذا كان في شي تاني كيس مي ان كان في زوايد خصوية كان في كيسة عالبربخ ان كان في شي تاني هيدا لا يمكن تشخيصه إلا عن طريق إجراء سونار دوبلر للخصيتين وهيك بتريح راسك ما في مشكلة يا أهلا وسهلا بالتوفيق 

الأجابة

الدكتور محمد حوماني

أخي الكريم هلأ وجود متل ما عم تذكر انت لون السائل المنوي مائل للخضار أكيد هذا اللون لا يستحب من قبل الأطباء لذلك بفضل إنه تعمل زراعة للسائل المنوي يفضل وضروري ان ينعمل زراعة للسائل المنوي وأكيد بدك تحاول تبعد قدر الإمكان عن الممارسة العادة السرية إذا كانت كمان أيضاً بإفراط لأنه بتعمل توزم بالمجاري البولية بصير عندك صعوبة بالتبول يلا بالتوفيق انشاء الله

الأجابة

الدكتور محمد حوماني

أهلاً أختي الكريمة هلأ الطبيب حاول يعالجك بالبداية بالإمكان يعني هذا الدوا فعال بالنسبة لحالتك المرضية يمكن بده يكون إنه فترة العلاج كانت قصيرة يعني خمسة أيام تعتبر غير كافية يعني يمكن لو ماخدة الإبر لمدة عشر ايام بتوقع إنه كنت أخدتي نتيجة وو ومشي الحال * هلأ كونه رجعت الحالة وتأزمت لأنه الدوا الثاني اللي معطيكي ياه تأثيراته متوسطة على البكتيريا عالجرثومة اللي عندك فأنا بنصحك إنه في دوا ممكن ترجعي تاخديه مكتوب ضمن الزرع اللي هو سيترياكسون اللي هو المتعارف عليه إسمه ترياكسون واحد جرام ممكن تاخديه إبرة صبح ومسا بس يفضل إنه يتاخد فترة العلاج عشر ايام بس تاخديه إبر بالعضل * وممكن تاخديه بالمصل ولكن في حال ما عم ترتاحي بالعلاج لا عن طريق الإبر أو الحبوب ساعتها يفضل إنه أخذها عن طريك الوريد هيدا هو  الحل الوحيد وأكيد بدك تغيري قصة استخدام المياه الخدمة يعني بده يكون الغسول اللي عم تقومي فيها يعني التشطيف وغيره بده يكون * بمياه شرب مياه نضيفة مش مياه القادمة من الدولة بالتوفيق انشاء الله